Óskalag frá Braga - Pretty Flamingo

Bragi frá Sauðanesi sendir þetta óskalag og minnist þess að þegar hann heyrði það fysrt þá var það einmitt í flutningi Storma á Ketilásnum. Þetta lag er einkennandi fyrir Storma á þessum tíma.  Prýðisvel flutt af þeim og vel sungið.

Ippa 

Gestabókin lifnar við...

Gaman að sjá að fólk er að lifna við og farið að skrifa í gestabókina. Er orðin sannfærð um góða mætingu á ballið ! Það verður gaman að hitta ykkur öll ! 

Nefndin

Að detta í 22 þúsund heimsóknir á síðuna....hver verður það ?

Þetta er fyrir ykkur blómabörnin sem mætið á Ketilásinn á laugardaginn.

 Magga, Ippa og Gugga

Þess vegna mætum við öll....

Stórdansleikur á Ketilási.

Allt sem við viljum er friður á jörð.

26.07.2008.

Laugardagskvöldið 26. júlí

mun hljómsveitin Stormar leika á dansleik á Ketilási í Fljótum, öll gömlu góðu lögin.

 

 

 

 

 

 

 

Aldurstakmark 45. ár (nema í fylgd með fullorðunum).

Húsið opnar klukkan 21.30

Dansað verður fram eftir nóttu.

Missið ekki af "comeback " dansleik Hippakynslóðarinnar.

 

Tjaldstæði með snyrtingu er á Ketilási og er frítt þessa helgi.

Nefndin  

Tónlistarspilarinn

Nú gengur í garð tími þakkargjörðanna.  Ég vona að okkur takist að koma því til skila hve þakklátar við í skipulagsnefndinni erum öllum sem koma að skipulagningu á hippaballinu á Ketilási n.k. laugardag.  Þau Nýræktarsystkin og þá fyrst og fremst Alla eiga veg og vanda að tónlistarspilaranum hér til hliðar.  Alla (og stundum Rögnvaldur) hafa dælt til mín lögum og ég (ef mig skyldi kalla) hef af veikum burðum reynt að koma þeim til skila. Það tekst oftast en ekki alveg alltaf.

Ég óskaði eftir nokkrum lögum í kvöld og viti menn Hannes bróðir hennar Öllu sendi mér strax Penny Lane með Bítlunum. Njótið þess að hlusta á það hér á spilaranum. Ásamt heilum haug af góðum lögum sem Alla sendi eins og  t.d. The Wonder of you með Presley o.fl ofl. m.a.s. nokkur ABBA lög fengu að fylgja með enda Mama Mia í algleymingi þessa dagana!

Stormar munu flytja eitthvað af þessum lögum af spilaranum á Ketilásnum en ekki öll. Örvæntið þó eigi því prógramm þeirra hljóðar upp á helling af lögum frá þessum dásamlegu árum kring um 1968.

Rögnvaldur frá Nýrækt hefur hjálpað mikið til og auk þess komið með skemmtilegar athugasemdir við lögin hér á síðunni, enda er hann á heimavelli þar, tónlistaramaður og tónlistarkennari. 

Ég hlakka til að hitta þau á Ketilásnum enda var ég eins og ein úr fjölskyldunni meðan ég var þar í heimavist þegar ég var í barnaskólanum á Ketilási.

Takk systkin og aftur takk.

Frekari þakkir til fleiri velgjörðarmanna bíða og munu birtast hér á síðunni fljótlega.  

Ippa þakkláta...

 

Koma saman eftir 35 ár...

Þeir Peter og Gordon koma þarna saman eftir 35 ár.  Stormar koma saman eftir svipaðan tíma nú ef frá eru talin Síldarævintýrin þeirra, 1996 síðast ef ég man rétt!  

Ég er samt alveg klár á því að Stormar eru ekki nándar nærri eins "þreyttir" og þeir Peter og Gordon virðast vera á þessu myndbandi sem mætti alveg vera betra að gæðum. 

 

Ippa... 

Góð viðbrögð....

Við höfum fengið góð viðbrögð við viðtalinu, þó við létum þetta vaða með girðingarstaurana, en það er að vísu satt. Þetta gerðist ! En bara einu sinni held ég.

Frétti af fólki sem dreif í því strax að panta sér gistingu fyrir norðan.

Við erum að klára að undirbúa það sem við getum gert núna,en Stormar standa í ströngu við æfingar á Sigló. Þeir eru hressir og við trúum því öll að þetta ball verði dúndurgott.

Hvernig er annað hægt þegar allt þetta hressa fólk frá frábærum tíma og með alla þessa góðu tónlist í æðunum kemur saman til að skemmta sér.

 

Sjáumst hress á Ásnum, þangað til farið vel með ykkur.

Setjum örugglega nýjustu fréttir inn áfram fram að helginni ! MT

Landið og miðin!

 Stórdansleikur á Ketilási.

Allt sem við viljum er friður á jörð.

26.07.2008.

Laugardagskvöldið 26. júlí

mun hljómsveitin Stormar leika á dansleik á Ketilási í Fljótum, öll gömlu góðu lögin.

 

 

 

 

 

 

 

Aldurstakmark 45. ár (nema í fylgd með fullorðunum).

Húsið opnar klukkan 21.30

Dansað verður fram eftir nóttu.

Missið ekki af "comeback " dansleik Hippakynslóðarinnar.

 

Tjaldstæði með snyrtingu er á Ketilási og er frítt þessa helgi.

Nefndin  

Allir að fletta mogganum í dag og fara á skagafjordur.com...

Viðtalið við okkur stöllur um ballið er í mogganum í dag og svo er grein á skagafjordur.com í gær um ballið.

Vonandi svo í DV á morgun. Fiskisagan flýgur !

MT

http://www.skagafjordur.com/

Óskalag frá Trausta á Sauðanesi!!

  Með ósk um góða skemmtun!!