Fundur í september

Við stöllur stefnum að undirbúningsfundi í september fyrir næsta hippaball á Ketilási. Húsið er bókað 25 júlí 2009, svo ekki er seinna vænna að fara að ákveða hvernig best er að haga málum.  

Don´t stop!

Þetta er eitt flottasta lag síðari tíma og í miklu uppáhaldi hjá mér. Boðskapurinn er sígildur, ekki hvað síst fyrir okkur sem erum farin að telja niður í Ketilásballið á næsta ári. Sjáumst!! 

Ippa 

Nefndin

Við í nefndinni óstöðvandi erum á faraldsfæti þessa dagana,  Magga er í Portúgal að heimsækja "ættbálkinn" mannsins síns,  Ippa er að leggja af stað í ferð á Hornstrandir í von um að sjá einhverja ísbirni og Gugga er að gifta elsta son sinn um helgina.

Örvæntið því eigi þó lítil hreyfing verði á síðunni enda "langt til jóla og ekkert liggur á" en niðurtalning til næsta hippaballs á Ketilásnum tikkar hér til hliðar.  

Magga er með tölvu og gæti allt eins skellt einhverju hér inn úr sólinni syðra, hver veit?  

Gugga mun gera upp Ketilásdæmið í næstu viku og vonandi getum við birt einhverjar tölur um t.d. hve mikið varð eftir fyrir Ketiláshúsið. 

Ippa, Magga og Gugga 

Eric Clapton

Ég man eftir þessu lagi á böllunum hér áður fyrr.  Sérstaklega með hljómsveitinni Júdas og við stelpurnar á Sigló vorum dyggir aðdáendur! Tengi það þó ekkert sérstaklega við Ketilásinn en gaman að láta það fljóta með þar sem tónleikar með kappanum Eric Clapton eru annað kvöld og ég var svo ljónheppin að vera óvænt boðið með vinkonu minni henni Sigríði Hrönn! 

"Nýhippar"

Ég horfði á skemmtilegan þátt í ríkissjónvarpinu í gær. " Summer of love" eða "Sumarið ´67" heitir hann.  Þetta var annar þáttur af fjórum. Hann fjallaði um hippa og hippamenningu.  Þátturinn sem var mjög fróðlegur endaði á viðtali þar sem fullyrt var að hippamenningin myndi blómstra á internetinu.  Þrátt fyrir að verið væri að leggja þessi samfélög hippa markvisst í rúst.  T.d. með lokun og niðurrifi í Kristjaníu og einnig aðför Ronalds Reegans að San Fransisco hippunum á hans valdatíma. 

Fólk myndi tengsl sín á milli og hópast saman í "hippakommúnur" á netinu.

Kannski er það það sem við höfum verið að gera hér á Ketilássíðunni?  Meðvitað eða ómeðvitað.

Ást og friður er alla vega eitthvað sem við leggjum upp með en sleppum eiturlyfjunum.  

"Nýhippar" eru mun fróðari um skaðsemi þeirra en forverar þeirra!

Látum frjálsar ástir liggja milli hluta.  

Hvað segið þið um "nýhippaball" á Ketilásnum að ári?

 

Ippa 

 

Niðurtalning og viðburðir að Ketilási

Niðurtalning fyrir næsta hippaball er hafin hér til hliðar eins og fram hefur komið undir yfirskriftinni "Á SAMA TÍMA AÐ ÁRI". Einnig vonumst við til að þessi síða verði notuð til að kynna það sem fram fer að Ketilási hverju sinni.  Fylgist með!

........Nefndin óstöðvandi! 

Dönsuðum eftir þessu lagi með Stormum á Ketilási...

......alveg æðislega gaman á hippaballinu. 

Um leið minnum við alla á að fara vel með dýrin sín........Ippa 

Hvernig var "á Geirmundi"?

Það væri gaman að fá fréttir af ballinu með Hljómsveit Geirmundar Valtýssonar sem var núna um Verslunnamannahelgina á Ketilásnum!

Var ekki fjör?

Ég trúi að hin eina sanna Ketilásstemning hafi ríkt.  Þó svo að Geirmundur hafi meira spilað í Miðgarði og í kring um Sauðárkrók í "denn", þá er alltaf gaman að fara í syngjandi sveiflu með honum.

 

 

 

 

 

 

 

 

      .......Ippa 

Niðurtalning er hafin

"Á sama tíma að ári" sem verður hinn 25. júlí 2009. Sjá hér til vinstri......Nefndin...Gugga, Ippa, Magga...

Á sama tíma að ári..... !

Ég komst nú ekki til Sigló í dag eins og ég ætlaði en skrepp á morgun. Hringdi þess vegna í hana Stefaníu Hjördísi á Brúnastöðum sem er í húsnefnd Ketiás og hún er búin að bóka húsið á sama tíma að ári svo nú hefst undirbúningsvinna og við höfum hugsað okkur að hitta þá ágætu húsnefnd sem stýrir húsinu á Ketilási í haust og vita hvort við getum ekki gert meira úr þessum degi. Fjölmargar hugmyndir á sveimi varðandi það !

Svo allir saman nú - það var gaman þann 26.07.2008 en stefnum á metaðsókn á hippaball á Ketilási eftir ár 2009! Það hefur sýnt sig að, það að taka góðan undirbúningstíma, borgar sig.

Höldum að sjálfsögðu áfram með síðuna og lofum ykkur að fylgjast með gangi mála. !

Nefndin "óstöðvandi"