Fyrsta ballið

Mitt fyrsta Ketilásball var jafnframt fyrsta ballið sem ég fór á. Fyrir utan skólaböllin. M.a. á Ketilási þar sem ég var í barnaskóla. Ég dressaði mig upp i rauðköflóttu buxurnar sem Solla systir hafði saumað á mig. Fór í hvíta mussu með útsaumuðu bindi og skellti mér á ballið. Eins og jólatré! Mangi bróðir lofaði að passa mig vel. Gulli frændi var að syngja með hljómsveitinni. Þess vegna fékk ég að fara. Vegna þess að Gulli frændi var að syngja...ekki vegna þess að Mangi lofaði að passa mig. Enda var það nú eins og að biðja úlfinn að passa Rauðhettu. Ég var 15 ára.Þarna drakk ég í fyrsta sinn vín og komst í mikið stuð. Var með besta vini Manga á ballinu og einnig á túninu fyrir utan ballið. 

Ketilástúninu.

Það var nefnilega vinsælt hjá ballgestum að skreppa út á tún í smá kelerí og fleira.  

Ábyggilega ekki eins vinsælt hjá þeim sem  nytjaði túnið!  Allt grasið bælt!

Þegar ég kom heim beið mamma eins og sporhundur með nefið út í loftið.  Hún fann vínlykt af mér.  Ég sagði "já ég var að kyssa fullan strák".......svona var ég fljót til að ljúga mig út úr hlutunum.  

Þetta var nú upphafið að mörgum misskemmtilegum Ketilásböllum hjá mér...eins og gengur....það verður gaman að hitta jafnaldra sína og aðeins eldri/yngri í sumar og kannski endar maður á túninu?  Í svaka sveiflu.... 

 

Ég er hætt að ljúga.....reyndar hætt að drekka vín líka.....kláraði kvótann......

 

Ippa

 

Athugasemdir

[Hulda Margrét Traustadóttir, 9.2.2008 kl. 13:03]

Ja há Vilborg varstu á túninu svona ung. Ég var svo upptekin af því að vera hippi og dansa að ég man ekki eftir því að hafa verið á túninu....Man vel eftir mér á Ketilási í buxum sem voru með kögri uppað hnjám og í rauðri peysu sem var líka með kögri og með hippaband um hárið....dansaði mikið.

Spurning um að finna fötin, fara í fitusog eða detox og mæta í dressinu !

Skemmtileg frásögn frá þér - þurfum fleiri ! MT

[Stella (IP-tala skráð) 9.2.2008 kl. 13:28]

Þið þessar "stabílu" konur, móðir mín og systur hennar hafið greinilega farið hamfötum á túninu, "shit"segi ég nú bara..

Kannski maður verði í leyni á túninu í sumar

[Hulda Margrét Traustadóttir, 9.2.2008 kl. 13:55]

Stella, farðu bara í leynilögguleik !!  Stabílu konurnar verða til fyrirmyndar....