Á rúntinum

23.2.2008 | 18:12

Hver man ekki eftir balli á Ketilásnum? Árið 1970 var t.d. gott ár á þeim góða stað. Ég man eftir því að hafa setið úti í bíl "með blandið" mest allt kvöldið. Dyraverðirnir voru strangir þetta kvöld og hleyptu fáum inn með vínflösku eða pela.

Þyrstir ferðafélagar mínir komu því af og til út í bíl og bergðu á birgðunum.

Ég keyrði þetta kvöld eins og reyndar mörg önnur kvöld. Það var fallegt veður og björt nótt. Út í bíl til mín kom stelpa. Við tókum tal saman og eftir að félagar mínir höfðu tæmt veigarnar í bílnum fórum við dálítinn rúnt ég og stelpan.

Mikið var þetta fallegt kvöld og það var mjög gaman og allt að því rómantískt að keyra um í Fljótunum með þessari stelpu. Hún þekkti vel til og það var gaman að tala við hana. Við vorum þó ekki neitt saman. Hún var bílstjóri á öðrum bíl og við eyddum tímanum saman þessa nótt.

Á rúntinum.

Kannski sjáumst við í sumar nærri 40 árum síðar? Ég og stelpan?

Karlinn og kerlingin!

(Ippa setti inn)

Finnst þetta lag passa við færsluna.....með kveðju, Ippa Cool

Flokkur: Bloggar | Breytt s.d. kl. 18:18 | Facebook

Athugasemdir

Það væri nú ekki leiðinlegt

Hulda Margrét Traustadóttir, 23.2.2008 kl. 18:58

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ketilás

Höfundar hafa haldið sex böll á Ketilásnum 26. júlí 2008, 25. júlí 2009 og 24. júlí 2010 sem tókust afburða vel. Hippahelgi var haldin frá 22. júlí til 24. júlí 2011. Fimm ára afmæli Hippaballa var haldið 21. Júlí 2012. 27. júlí 2013 var sjötta hippaballið haldið. Engan bilbug er á okkur að finna og hefur húsið verið bókað en eftir er að fastnegla tíma. Við höfum stækkað nefndina og þurfum að auka enn frekar samráð við aðila á svæðinu, jafnframt munum við efla umgjörð hippaballsins til að festa það í sessi. . "Á sama tíma að ári"......sem sagt......stuðið er rétt að byrja! Ketilás - Woodstock!