Styttist í "ball aldarinnar"

18.6.2008 | 11:57

Nú styttist í "ball aldarinnar" á Ketilási þann 26. júlí n.k. Fundur var haldinn í morgun og ákveðið að vinda sér í að ganga frá lausum endum. Magga tekur að sér að ræða við umsjónamenn hússins. Ippa ræðir við hljómsveitina og síðan er ætlunin að ræða við fleiri aðila um nánari lokaútfærslu á umgjörð og þjónustu í kring um þetta "Come-back" ball. Dansleikurinn er ætlaður 45 ára og eldri. Yngri eygja þó von um að komast inn "í fylgd með fullorðnum"!

Yfirskrift dansleiksins er eins og áður hefur komið fram "ALLT SEM VIÐ VILJUM ER FRIÐUR Á JÖRÐ", klæðnaður verður sóttur til hippaáranna. Nú er um að gera að fara í geymsluna og máta gömlu hippafötin og athuga hvort þau smellpassa ekki ennþá? Ef svo ólíklega vill til að þau gera það ekki má alltaf fjárfesta í hippabandi eða bara að útbúa það. Tískan í dag er líka dálítið hippaleg svo það verður bara gaman að sjá alla mæta í fullum skrúða! Wink

Sjáumst hress!

Ippa og Magga

Flokkur: Bloggar | Facebook

Athugasemdir

Halló, komin frá eyjum, alveg stórfín ferð og nú er að spíta í lófana og telja niður .....

Hulda Margrét Traustadóttir, 19.6.2008 kl. 08:53

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Ketilás

Höfundar hafa haldið sex böll á Ketilásnum 26. júlí 2008, 25. júlí 2009 og 24. júlí 2010 sem tókust afburða vel. Hippahelgi var haldin frá 22. júlí til 24. júlí 2011. Fimm ára afmæli Hippaballa var haldið 21. Júlí 2012. 27. júlí 2013 var sjötta hippaballið haldið. Engan bilbug er á okkur að finna og hefur húsið verið bókað en eftir er að fastnegla tíma. Við höfum stækkað nefndina og þurfum að auka enn frekar samráð við aðila á svæðinu, jafnframt munum við efla umgjörð hippaballsins til að festa það í sessi. . "Á sama tíma að ári"......sem sagt......stuðið er rétt að byrja! Ketilás - Woodstock!