Morgunblaðið á morgun mánudaginn 21. júlí....eða þriðjudaginn 22.??

Á morgun kemur viðtal í Morgunblaðinu við okkur stöllurnar sem stöndum að Come-back hippaballi á Ketilási í Fljótum, Skagafirði um næstu helgi. Það er kominn fiðringur í okkur allar og allt að verða klappað og klárt.  

Gugga búin að redda sínum gjaldkeramálum og Margrét er að semja leikþátt sem opnunaratriði!  

Vilborg rembist eins og rjúpan við staurinn að vekja athygli fjölmiðla og við erum búnar að auglýsa á nálægum stöðum fyrir norðan.

Sjáumst fjallhress í Fljótunum á laugardaginn.

 

Athugasemdir

[Rögnvaldur S Valbergsson (IP-tala skráð) 20.7.2008 kl. 22:19]

Magnað lag, Bítlarnir björguðu sálarheill bandaríkjamanna og gáfu þeim aftur vonina en þjóðin var miður sín eftir morðið á Kennedy, þeir komu með þetta lag á nákvæmlega réttum tíma en alveg fyrir tilviljun, þetta var það sem bandarísku þjóðina vantaði, I Want to hold your hand: og auðvitað beint í fyrsta sætið

[Vilborg Traustadóttir, 20.7.2008 kl. 22:56]

Gaman að fá svona skýringar með lögunum. Takk fyrir það. :-)

[Hulda Margrét Traustadóttir, 21.7.2008 kl. 07:07]

Best að taka ekki of djúpt í árina að um leikþátt sé að ræða, nokkrar línur af gamansemi svona rétt til að koma fólki í stuð. Gaman að útskýringu Rögga, hefðum átt að vera með svona greinaskrif frá honum um tónlistina hér á síðunni, en það er ekki of seint, meira af þessu. Annars mánudagur og ég var að kíkja á langtímaspána og mér sýnist að það verði gott veður næsta laugardag - vonum það besta.....

[Ketilás, 21.7.2008 kl. 08:57]

Ég sé ekki viðtalið við okkur í Mogganum í dag. Kemur bara á morgun. Magga ekkert lítillæti leikþáttur er leikþáttur þó stuttur sé! Var einmitt að hugsa þetta sama um greinarskrif Rögga.:-)

Ippa