Tónlistarspilarinn

Nú gengur í garð tími þakkargjörðanna.  Ég vona að okkur takist að koma því til skila hve þakklátar við í skipulagsnefndinni erum öllum sem koma að skipulagningu á hippaballinu á Ketilási n.k. laugardag.  Þau Nýræktarsystkin og þá fyrst og fremst Alla eiga veg og vanda að tónlistarspilaranum hér til hliðar.  Alla (og stundum Rögnvaldur) hafa dælt til mín lögum og ég (ef mig skyldi kalla) hef af veikum burðum reynt að koma þeim til skila. Það tekst oftast en ekki alveg alltaf.

Ég óskaði eftir nokkrum lögum í kvöld og viti menn Hannes bróðir hennar Öllu sendi mér strax Penny Lane með Bítlunum. Njótið þess að hlusta á það hér á spilaranum. Ásamt heilum haug af góðum lögum sem Alla sendi eins og  t.d. The Wonder of you með Presley o.fl ofl. m.a.s. nokkur ABBA lög fengu að fylgja með enda Mama Mia í algleymingi þessa dagana!

Stormar munu flytja eitthvað af þessum lögum af spilaranum á Ketilásnum en ekki öll. Örvæntið þó eigi því prógramm þeirra hljóðar upp á helling af lögum frá þessum dásamlegu árum kring um 1968.

Rögnvaldur frá Nýrækt hefur hjálpað mikið til og auk þess komið með skemmtilegar athugasemdir við lögin hér á síðunni, enda er hann á heimavelli þar, tónlistaramaður og tónlistarkennari. 

Ég hlakka til að hitta þau á Ketilásnum enda var ég eins og ein úr fjölskyldunni meðan ég var þar í heimavist þegar ég var í barnaskólanum á Ketilási.

Takk systkin og aftur takk.

Frekari þakkir til fleiri velgjörðarmanna bíða og munu birtast hér á síðunni fljótlega.  

Ippa þakkláta...

 

Athugasemdir

[Alla Valbergs (IP-tala skráð) 22.7.2008 kl. 22:41]

Þakka þér fyrir vinkona... hlakka mikið til að  hitta þig lík..nokkur lög á leiðinni og aftur annað kvöld  og bara eins mikið og ég get.

[Ketilás, 22.7.2008 kl. 23:01]

Takk enn og aftur, aldrei fullþakkað! Knús, Ippa

[Ketilás, 23.7.2008 kl. 07:10]

Já, og mikið svakalega er gaman að gefa sér stund og hlusta á lögin. Þurfa ekki að róta í diskum eða plötum - bara velja !Sammála Ippu, takk öll fyrir hjálpina  MT

[Ketilás, 23.7.2008 kl. 07:15]

Já Vilborg þakkargjörðartíminn er að renna upp .... þar verður af ýmsu að taka, og engum má gleyma. Svo er það gjörningurinn sem breytti um stefnu þegar ég vaknaði upp klukkan fimm í morgun og hafði fengið hugljómun. Kannski eftir að þú talaðir um Krissa í háloftunum ! Opinberum bara gjörninginn á ballinu - ALLIR MEÐ !  MT

[Rögnvaldur S Valbergsson (IP-tala skráð) 23.7.2008 kl. 20:01]

Fyrst þú minntist á lagið Penny Lane þá hafði McCartney hlustað á Brandenburg Consert eftir Bach en þar er magnað trompet sóló og hann vildi hafa svipað sóló í Penny Lane og sá sem spilaði sólóið lifir enn í dag á því að hafa spilað það, eins og sagt er í Bretlandi, hann spilaði sólóið í Penny Lane