Að efna loforð...

Ég lofaði henni Vilborgu systur að setja hér eitthvað inn í kvöld.

Vildi bara segja ykkur að byrjað er að bóka í sölubása á markaðinn sem haldinn verður á Ketilási þann 25. júlí. Þar verður samankomin allskonar varningur, handverk og allt mögulegt. Við hitum upp fyrir kvöldið og markaðurinn mun opna klukkan 14:00 og standa til klukkan 17:00. Þar munuð þið líka geta kíkt á rétta klæðnaðinn fyrir kvöldið. Að markaði loknum hefst tiltekt og undirbúningur fyrir Hippaballið sem hefst klukkan 22:00 um kvöldið með hinum frábæru Stormum.

Þessa dagana er verið að undirbúa kynningar og auglýsingar.

Auðvitað er aldurstakmarkið 45. ár nema hjá þeim sem eru í fylgd með fullorðnum. 

Klukkan nákvæmlega 22:00 ættu allir að vera mættir því þá munum við öll sem eitt búa til gjörning sem aldrei mun gleymast !

Meira á morgun

Magga.