Time is on my side

Við höfum heyrt að mikil og góð stemning er fyrir Ketilásballinu okkar þann 25. júlí n.k.

Margir sem komust ekki í fyrra ætla sko ekki að láta sig vanta núna og þau sem mættu í fyrra koma aftur.

Stormar æfa stíft milli veiðiferða og verður gaman að heyra glænýtt prógramm hjá þeim með öllum gömlu og góðu slögurunum og þeirri eðal tónlist sem var á árunum kring um 1970.

Líkt og í fyrra mun húsið njóta góðs af innkomunni ásamt því að hljómsveitin Stormar lætur sinn hluta ágóðans einatt renna til góðgerðarmála og þá gjarnan á Siglufirði eða nú í Fjallabyggð. 

Markaðurinn verður líflegur en mjög margir hafa bókað sig með bása og borð á Ketilásnum milli klukkan 14.00 og 15.00 laugardaginn 25. júlí.

Við bindum vonir við að málverkauppboð okkar systra skili einhverju fyrir hana Þuríði Hörpu sem af fádæma æðruleysi og kjarki tekst á við það áfall sem hún varð fyrir áið 2007. Nánar um það hér http://www.oskasteinn.com/

Kynningarstarf er hafið og vonumst við eftir góðum viðbrögðum fjölmiðla við þessu framtaki okkar.