Markaður og ball.....

Jæja gott fólk.

Nú er orðið stutt eftir í ball sumarsins á Ketilási í Fljótum þar sem Hipparnir koma saman og dansa og skemmta sér við undirleik hinna stórgóðu Storma.

Allt að verða klárt - miðar og annað og svo erum við að herja á fjölmiðlana !

Allt hefst þetta með markaðsstemmingu kl. 14:00 til kl. 17:00 En þar verður margt til sölu. Meðal annarra verður sölufólk frá Norðurporti á Akureyri á svæðinu og svo auðvitað heimafólk og nærsveitamenn. Hippamussur, hippabönd og allt mögulegt í boði, einnig eitthvað matarkyns eins og harðfiskur og hákarl. Ef einhver lumar á sviðakjömmum sem hann vill elda og selja væri það alveg í takt við tíðarandann  + rófustöppu auðvitað......

Svo tökum við til fyrir kvöldið og gerum klárt fyrir þetta langþráða ball.

Stundvíslega klukkan 22:00 biðjum við fólk að mæta því þá tökum við öll þátt í táknrænum gjörningi á Ketilástúninu sem verið er að undirbúa. Þess vegna skiptir máli að sem flestir mæti snemma !

En áfram heldur undirbúningurinn og allt verður gert til þess að allir eigi ánægjulega stund með vinum og vandamönnum frá fornri tíð !

Sjáumst brosandi á Ketilási 25.07.2009.

Magga, Ippa og Gugga.