1968 var það árið?

The Seekers - Georgy Girl

 

Dásamlegt!!

Kveðja, Ippa

Where have all the flowers gone?

Dálítið táknrænt í víðustu merkingu þess orðs.  Bæði miðað við fréttina hér á undan og einnig það að við "ellismellirnir" ætlum að koma saman á Ketilásnum í sumar.  Peter, Paul og Mary greinilega í svipuðum fíling og við hin!  

Kveðja Ippa

Popp og politík.......

Datt inn á sérlega áhugaverðan þátt á RÚV núna eftir hádegið að vísu þáttur 2 af 3....en þarna er fjallað um tónlistina og politíkina á 6 og 7unda áratugnum. Áhugavert fyrir okkur sem erum að standa að "Hippes" balli á Ketiási í sumar og auðvitað alla hina líka.

Áhrif tíðarandans hafa skilað sér vel til okkar kalda lands og unga fólkið á Íslandi hefur verið vel með á nótunum þrátt fyrir fjarlægð frá þeim svakalegu atburðum sem áttu sér stað úti í heimi.

Martin Luter King var myrtur svo og John F Kennedy - einnig var það hið hræðilega Vietnam stríð í gangi - þetta er allt í fersku minni, fréttir af dauða og blóði, fólk var borið lemstrað af vígvelli, hafði jafnvel misst útlim eða annað sem nauðsynlegt er hverjum lifandi manni.

-

Ekki skrítið að við höfum brugðist við eins og við gerðum, þrátt fyrir það að vera hér á okkar kalda landi, langt,langt í burtu frá öllu því sem þarna var að gerast. En við tókum svo sannarlega þátt í þessu, vorum vel í sambandi við tónlist þessa tíma og tíðaranda og þjáðumst með meðbræðrum okkar.

Í okkur var líka uppreisn og við klæddum okkur eins og meðbræður okkar í útlandinu, sungum sömu lögin, dönsuðum eins og þau og vorum bræður í raun !

Það var margt sérstakt við þessa tíma og sá kraftur sem bjó í unga fólkinu smitaðist um heiminn gjörvallan - Eruð þið ekki sammála mér ?

Ég segi eins og Bubbi.

Bræður og systur, hvar eruð þið ? Okkur vantar meiri umræðu á Ketilás síðuna.

 

Bræður og systur, hvar eruð þið ? Okkur vantar að heyra frá ykkur - verið með.......

Gleymum ekki sögunni - tölum saman.

 

Sendið okkur email eða óskið eftir aðgangi ....

[e-mail]

[e-mail]

Stöndum saman

Peace.

MT

Hvert horfðu hermennirnir í stríðinu í Vietnam ? Upp í gegn um skóginn í leitinni að ljósinu sem þeir annað hvort fundu eða fundu ekki.............

Sorglegt stríð eins og svo mörg önnur stríð svo tilgangslaus.....................

 

Guð gefi ykkur gleðilegan sunnudag.

Peace, not war.

MT

Ketilásrómantík

Ég fór í langan bíltúr með konu í dag.  Konu sem er mér nákomin.  Ég var að segja henni frá Ketilássíðunni og því sem við værum að setja inn á hana. Hún fékk alveg stjörnuglampa í augun.

Hún sagði mér að hún hefði átt skemmtilegar stundir þarna á Ketilásnum. Þær ljúfustu sem hún mundi eftir voru eittthvað upp úr 1970,  sennilega árið 1972 eða 1973.  Hún sagðist hafa kynnst Ólafsfirðingi og þau hefðu verið talsvert saman í kring um Ketilásböllin.  Hann hefði verið reglusamur og oft verið bílstjóri fyrir bróðir sinn og vini.  Hún hafi verið ofboðslega skotin í honum.  Fundið þessi tengsl sem sé svo sjaldgæft að finna.

Um haustið skildust leiðir. 

Oft hef ég verið að velta fyrir mér í gegn um lífið hvað það hefði verið gaman að kynnsat honum betur sagði hún. 

Þú mátt svo gjarnan segja frá þessu sagði hún aðspurð um hvort ég mætti setja smá "romance" inn á Ketilássíðuna.

 

 

 

Með kveðju,   Ippa 

  

Snowbird

Fallegt og vel flutt. kveðja,  Ippa

Snýst "come-backið" ekki um þetta?

Helgarkveðja,  Ippa  

Saga Ketilássins

Í annálum Hannesar á Melbreið og í Fundagerðabók UMF Holtshrepps kemur fram að Ketiláshúsið var upprunalega byggt árið 1926.  Þá var það byggt sem þinghús og jafnan nefnt "Hreppurinn", það var síðar tekið í notkun sem skóli.  1954 var búið að byggja það sem er upphækkun og er notað að hluta til sem eldhús í dag.  Breytingar voru gerðar á húsinu upp úr 1958.  Þá var byggður salurinn niðri (danssalurinn, sem við skólakrakkarnir þekktum sem leikfimisalinn).

Símon Þorsteinsson sem bjó á Nýrækt lengdi húsið þar sem upphækkunin er, eldhús, snyrtingar og forstofa, svo byggði Hermann Guðbjartsson frá Reykjarhóli salinn sem áður er nefndur. 

Þorsteinn í Stóraholti gaf landið undir samkomuhúsið.

Verið er að grafast fyrir um hvaðan nafnið Ketilás kemur, ef einhver veit það væri gaman að fá að vita það.

 

 

Heimildaöflun annaðist Rögnvaldur Valbergsson.  M.a. hjá Ásu á Nýrækt og Adda á Reykjarhóli. 

 

Kveðja Ippa. 

 

Vangalagasyrpan, sígilt og rómó

Hver man ekki þetta?

Vinsæl og hljómuðu oft sem síðasta lag á Ketilásnum. 

Góðar fréttir þetta með Storma

 

Þeir eiga örugglega eftir að gera stormandi lukku .....Stormarnir !

 

MT

Stormar!!!

Hljómsveitin Stormar frá Siglufirði hefur

samþykkt einróma að leika fyrir dansi á

Ketilásballinu sem allt snýst um á þessari

síðu.

Skilaboðin frá Stormum eru "GERUM ÞETTA

GRAND"!!!

Þann 26. júlí 2008 verður haldið ball ætlað

45 ára og eldri á Ketilási í Fljótum.  

Sumir vilja meina að þeir komist inn "í fylgd

með fullorðnum" en það verður bara að koma í

ljós!  

 

 

Hér eru "Sauðanessysturnar" á Kim Larsen tónleikum s.l. haust (ljósm. Jón Svavarsson). Það má leiða að því sterkum líkum að þær mæti fjallhressar á ballið góða.  Örugglega 2/3 af þeim jafnvel "fullt hús"!!!  

Frá vinstri Sólveig, Vilborg, Margrét.