Uppgjörið

Þá liggur uppgjörið fyrir hippaballið fyrir og það er ljóst að 103 þúsund krónur verða eftir "í héraði" eins og þar stendur.

Mikið er gaman að skemmta sér svona vel og láta afraksturinn renna til viðhaldsins  .

Það er að segja viðhalds Ketiláshússins .  Gleðilegt var að sjá hversu vel hefur tekist til við endurbæturnar og við erum stolt af að vera þátttakendur í þessu verkefni.  Það hefur mjög margt áunnist, búið að setja allt nýtt á salernin, nýtt eldhús, mála húsið innan og klæða það að utan að hluta til, slípa upp dansgólfið, endurnýja glugga og setja ný gluggatjöld svo eitthvað sé nefnt.  Margt er þó enn á listanum eins og gefur að skilja með gömul hús og við höfum bókað húsið næsta ár í því skyni að styðja við það sem gera þarf.

-- 

Þess má og geta að Kristín Sigurjónsdóttir lét afrakstur þeirrar sölu sem hún var með á báðum mörkuðunum renna til Ketiláshússins.

-- 

Einnig var undirritaðri gefin fatnaður til sölu til styrktar Þuríði Hörpu frá Sauðárkróki sem við studdum við í fyrra með málverkauppboði. Sú sala skilaði 5000 krónum og hefur það verið lagt inn á reikning hennar á Sauðárkróki.

 

 

 

 

 

 

 

 

 

Hér eru svipmyndir frá Ketilásnum. 

 

Margt smátt gerir eitt stórt! 

Ippa 

Athugasemdir

[Alla Valbergsd. (IP-tala skráð) 30.7.2010 kl. 16:47]

Gleðilegt að heyra þetta.Höldum áfram svona.

[Rögnvaldur S Valbergsson (IP-tala skráð) 30.7.2010 kl. 17:16]

Þetta er flott, stefni að mæta næsta ár en það var líka skemmtilegt í London að hlusta á allar þessar hljómsveitir og svo enduðu Emerson Lake og Palmer með stæl, Emerson velti um einu stykki af Hammond orgeli svo dæmi séu nefnd

[Ketilás, 30.7.2010 kl. 20:48]

ÞÚ Í ÞAÐ RÖGGI !

[Vilborg Traustadóttir, 30.7.2010 kl. 22:22]

Eigum við að hafa Rögga í að kasta orgelum? :)

[Ketilás, 31.7.2010 kl. 20:17]

Auðvitað - byrja í þjálfun - strax !