Tjaldstæðið opið, góð aðstaða, rafmagn og vatn.

Minnum á að tjaldstæðið á Ketilási er opið og þar er góð aðstaða fyrir húsbíla sem og tjöld, fellihýsi og húsvagna.  Einnig er gistingu að fá bæði á Bjarnagili og Lambanes-Reykjum og eflaust víðar. Það er líka um að gera að "setjast upp" hjá vinum og kunningjum.  Stutt er á Sigló, Ólafsfjörð og til Dalvíkur um nýju Héðinsfjarðargöngin og gömlu Ólafsfjarðarmúlagöngin.  Einnig er stutt á Sauðárkrók og Skagafjörðurinn allur blasir við enda eru Fljótin i Skagafirði!  Veðrið verður yndislegt eins og alltaf en það höfðum við löngu pantað svo það kemur ekki á óvart .   Röggi á Nýrækt mun stjórna kvöldvöku á föstudagskvöldið þar sem öllum gefst kostur á að "láta ljós sitt skína". Einskonar upphitun fyrir "stóru stundina" !   Markaðurinn á laugardaginn verður fjölbreyttur og flottur þar sem hægt verður að fá hippalúkkið á hreint m.a.s. lakkaðar hippaneglur. Ýmislegt annað misjafnlega "dularfullt" verður í boði.  Blómálfarnir sem eru fábærir tónlistarmenn munu svo skemmta okkur á laugardagskvöldið frá klukkan 22.00-02.00 eftir miðnætti alveg eins og í "gamla daga".  Við byrjum kvöldið með því að mynda peace-merki á Ketilástúninu og munu þeir Blómálfarnir taka þátt í því.  Því er um að gera að mæta tímanlega og skemmta sér saman.  Missum ekki af neinu, MÆTUM.