Læt loksins heyra frá mér......

...hef verið eitthvað of upptekin til að skrifa hér inn og er farin að skammast mín. Þökk sé Ippu fyrir að vera svona dugleg við að setja inn allar þessar perlur sem við eigum frá gullaldarárum tónlistar í heiminum !

Þegar ég hlustaði á Engilbert...hugsaði ég um rauða litla sæta plötuspilarann minn sem var eins og taska og ég gat farið með hann hvert sem ég vildi og tengt við rafmagn. Þvílík dýrð ! Á honum gatslitum við hverri plötunni á eftir annari, ég á þær samt allar ennþá og strík þeim annað slagið og hlusta á þær þó aðeins ískri í..............

Ég á nefnilega ennþá þá Engilbert og Tom og Rod og Bítlana og Stones og fl. og fl. á vinil. Og það sem betra er þá er til plötuspilari á heimilinu sem getur spilað vinil ........... Það er svo dásamlegt !

Annars allt í góðum gír og stittist alltaf í hittingin okkar á Ketilási, vonum bara að fólk taki nú saman höndum og mæti á þetta ball sem á að verða ofurgott ball ! Í skjóli heystakka og góðrar tónlistar á Ketilási í Fljótum, 26. júlí með STORMUM frá Siglufirði !

 

 

Minn plötuspilari var í þessum stíl bara rauður.

Heyrumst. MT

 

Þessi er þó líklega svona tíu árum eldri, minn var einfaldari......

 

Það er eitthvað mjög sjarmerandi við þetta - ekki rétt ? Og tónlistin ómaði !

Góða helgi. MT

Love is in the air.......vonandi hafa það allir sem best.....Peace !

Athugasemdir

[Vilborg Traustadóttir, 30.3.2008 kl. 21:30]

Gott að heyra frá þér, ég hélt um stund að ég væri orðin "ein í hópi"!!!;-)

[Vilborg Traustadóttir, 30.3.2008 kl. 21:43]

Og ég man sko eftir plötuspilaranum þínum. Hann var sko kúl!!! Bragi eignaðist svo Grundig græjuskáp (sennilega seinna) en hann var alltaf með hann inni hjá sér svo við nutum hans ekki eins og plötuspilarans þíns. Mangi keypti svo plötuspilara nokkrum árum síðar og ég keypti hann af honum þegar hann var blankur en keypti mér svo Philips plöruspilara seinna. Þegar armurinn á gamla Manga spilara brotnaði og var ekki hægt að líma hann endalaust. Þetta var "græjusaga" okkar Sauðanessystkinanna. Vevvv á okkur, sem í lauslegri þýðingu er, vesalings við;-) Vinyllinn minn er eins og hann leggur sig hjá elsta syni mínum honum Trausta sem á reyndar gamlan plötuspilara líka.