Sendið okkur línu....minnum á....

Sendið okkur línu [e-mail] og [e-mail]

Var með færslu hérna í gær en viðkomandi hafði samband í morgun og bað mig að taka hana út - sá eitthvað eftir skrifunum en það væri gaman ef þið létuð vita ef þið eruð að fylgjast með. MT

 

Boogie Wonderland...I love it.....

Það var frábært að storma út á gólfið við þessa sveiflu.  Ég heillaðist mjög af diskói sem danstónlist sérstaklega.  Mikil gleði og glamúr sem náði tökum á manni.

Man eftir þessu víða á böllum, á Ketilási en líka í Ólafsfirði 1979 eða 1980.

Ippa 

Diskó, já líka diskó, auðvitað!

Diskóið komið.  Flott! 

 

Stuð ,  Ippa 

Yfir 5000!!!!!

Frábært!  Ef við mætum svona vel á "Ásinn" þann 26. júlí n.k. er engu að kvíða, nema kannski plássleysi.  

Ike og Tina Turner

Ippa....

The Sound of Silence....Bridge Ower Troubled Water

Snillingar og rifjar upp margt fallegt og gott.

Forréttindi fyrir mig að hafa fengið að syngja Bridge Ower Troubled Water með Gospelsystrum Reykjavíkur.  Mannbætandi....

Ippa

Kodachrome

Ég og Mángi bróðir á Ketilásnum.  Lagið Kodachrome spilað og við út á gólfið með það sama. Það var sagt við okkur að það væri mikill hjónasvipur með okkur.  Kannski vegna þess að við erum systkin, svöruðum við.

Stuðboltarnir!!!

 

Ippa 

Komið yfir 4500 heimsóknir eða flettingar..

Gaman að þessu.  Hlakka til framhaldsins. Gaman að sjá og gaman væri að heyra frá fleirum.  

 

Ippa 

One night with you

Í tengslum við næstu færslu á undan.  Hlýtur að hafa verið nær 1959, ég er fædd 1957 og man eftir að hafa skriðið upp í fangið á pabba af því að hann var grátandi.  Hann lá á gólfinu og hlustaði á fréttir.  Barnsminnið man bara þetta brot. Kannski var þetta seinna við upprifjuná þessum atburði.

 

Djúpavík, nálægt 1958....

Mín fyrsta minning tengd  tónlist ( ekki nema von að ég hafi grátið þegar Elvis dó )

Ég vaknaði upp nálægt miðnætti við það að mamma og pabbi voru að tala saman í hálfum hljóðum í litla eldhúsinu í húsinu okkar í Djúpuvík. Pabbi hafði verið á vitaskipinu Hermóði nokkur skipti og túrinn á undan hafði hann fengið frí til þess að vera heima með fjölskyldunni. Þessa nótt fórst skipið Hermóður með manni og mús.................ég vaknaði upp við lagið "One night with you" með Elvis Presley og það næsta sem ég man var þessi frétt á gömlu gufunni...."Vitaskipið Hermóður fórst í kvöld  og allir sem voru um borð eru taldir af.........." Eftir þessa frétt var spiluð sorgartónlist. Pabba var auðvitað mjög brugðið. En pabbi minn var heima og hann var ennþá hjá okkur. Í dag árið 2008 er pabbi minn að verða níræður - og hann er ennþá hjá okkur  og alltaf jafn andlega hress  Mikið hefur maður að þakka.

Sofið rótt.

 MT