Fyrsta óskalagið

Setti upp tónlistarspilara fyrir fyrsta óskalagið okkar. Það er kveðja frá henni Öllu á Nýrækt og er á spilaranum hér til vinstri á síðunni.

Take good care of my baby.  Spurning dagsins er,  Hver flytur það?

 

Kveðja Ippa 

 

Auðvitað!!!! 

10.000 heimsóknir... alveg að koma.....

Sá sem verður númer 10. þúsund hingað inn verður að kynna sig.

 

Vinafundur....

Kv.

MT

Óskalögin

Við ákváðum að hafa óskalagaþátt hér á síðunni.  Þeir sem óska eftir einhverju ákveðnu lagi geta sent kveðjur og ósk um lög á netfangið [e-mail] eða [e-mail]  en einnig er hægt að koma þeim á framfæri í athugasemdakerfinu hér eða einfaldlega við efstu færslu á blogginu hverju sinni.

Við munum reyna að uppfyllla óskir um lögin ef þau eru aðgengileg einhvers staðar á netinu.

Það er stundum erfitt að ná í íslensku lögin en það má alltaf reyna.

Ég leyfi mér að hefja leikinn og sendi öllum unnendum Ketilássins mínar bestu kveðjur.  Sjáumst hress þann 26. júlí 008 á Ketilásnum!

Með laginu: Dont let me down með Bítlunum! 

 

 

Kveðja Ippa

Læt loksins heyra frá mér......

...hef verið eitthvað of upptekin til að skrifa hér inn og er farin að skammast mín. Þökk sé Ippu fyrir að vera svona dugleg við að setja inn allar þessar perlur sem við eigum frá gullaldarárum tónlistar í heiminum !

Þegar ég hlustaði á Engilbert...hugsaði ég um rauða litla sæta plötuspilarann minn sem var eins og taska og ég gat farið með hann hvert sem ég vildi og tengt við rafmagn. Þvílík dýrð ! Á honum gatslitum við hverri plötunni á eftir annari, ég á þær samt allar ennþá og strík þeim annað slagið og hlusta á þær þó aðeins ískri í..............

Ég á nefnilega ennþá þá Engilbert og Tom og Rod og Bítlana og Stones og fl. og fl. á vinil. Og það sem betra er þá er til plötuspilari á heimilinu sem getur spilað vinil ........... Það er svo dásamlegt !

Annars allt í góðum gír og stittist alltaf í hittingin okkar á Ketilási, vonum bara að fólk taki nú saman höndum og mæti á þetta ball sem á að verða ofurgott ball ! Í skjóli heystakka og góðrar tónlistar á Ketilási í Fljótum, 26. júlí með STORMUM frá Siglufirði !

 

 

Minn plötuspilari var í þessum stíl bara rauður.

Heyrumst. MT

 

Þessi er þó líklega svona tíu árum eldri, minn var einfaldari......

 

Það er eitthvað mjög sjarmerandi við þetta - ekki rétt ? Og tónlistin ómaði !

Góða helgi. MT

Love is in the air.......vonandi hafa það allir sem best.....Peace !

Stevie Wonder

Mikið grúv í þessu og eitt besta lag hans af mörgum góðum.

Kveðja Ippa

Nú er það Engilbert Humperdinck

Hver man ekki eftir Engilbert?Geggjaður!!!!

Kveðja Ippa 

HLH

 

Góðir saman,  kveðja, Ippa 

Og Sven Ingvars!!!

Þegar við fjölskyldan vorum í Svíþjóð 1996 keypti ég diska með Sven Ingvars.  Ég gerði það til að læra framburðinn vel og ef þið hlustið á hann vitið þið hvað ég á við.  Frábært að læra og hafa gaman af þvi! 

Kveðja, Ippa

Supertramp!

Nokkuð gott!

Kveðja, Ippa 

Smokie

Fyrst við erum byrjuð á Chris Norman er alveg eins gott að halda áfram og taka Smokie inn eins og þeir leggja sig.  Ég fór á tónleika með þeim í Laugardalshöllinni 1978.  Það voru arfa slakir tónleikar og við vinkonurnar ég, Magga Steingríms og Kristín skelltum okkur beint í Laugarásbíó eftir tónleikana.  Við fórum á myndina The Car wash og vorum sammála um að myndin bjargaði kvöldinu!  Hvað um það hér er eitt besta lagið með Smokie.  Njótið,  Ippa