Frábær síða...

Ég hreinlega datt um þessa síðu.  Endilega skoðið og njótið alveg í botn.  Látið ekkert framhjá ykkur fara. I love it!!!!!

http://www.hannesboy.com/sjomennska.html 

 

Ippa 

We are family

Þar sem við systurnar höldum utan um Ketilássíðuna hljómar þetta lag mjög rökrétt.  Við Magga dælum inn hverjum stórviðburðinum af öðrum og Solla leikstýrir bak við tjöldin.

Skólasystir Alla kemur auk þess sterk inn!!! 

 

 

Viltu dansa?

Setti á tónlistarspilarann lagið við textann sem er hér að neðan.  Alla sendi mér það.  Æðislegt stuðlag!  Njótið!

Óskalag fyrir turtildúfurnar. 

 

Ippa og Magga 

. 

Gaur hefur gefið sig fram.........

Var beðin að setja hér inn þakkir frá "Gaur" sem hefur verið í email sambandi við okkur síðan sagan um Fell og Foss var sett hér inn. Þegar allt var ljóst með vinnustaðinn, leiðina sem farin var eftir ballið, staðinn, nafn félagsheimilisins, háralit konunnar og fleiri atriði - settum við þau auðvitað í email samband og vonandi komast þau að því hvort þau vilja hittast á ný eða hvað. En augljóst að þarna var á ferðinni rétta fólkið !

Einnig er konan ánægð og ætlaði ekki að trúa því að rétti maðurinn væri fundin, þess vegna voru ótrúlegustu spurningar bornar á milli þangað til þau bæði þóttust viss

Þetta var ótrúlegt dæmi sem við höfðum nú ekki trú á að gæti komið einhverju svona til leiðar - Vonandi verður bara gleði í þessu máli

Og við gleðjumst yfir því að hafa aðstoðað þau.

MT/VT

Hver man ekki eftir þessu....

Viltu dansa

Vertu ekki smeyk,
ég býð þér upp í sjeik.
Hvernig geturðu neitað mér
er í dansinn ég býð þér.

Hvernig geturðu setið kyr?
Hvernig geturðu setið kyr?

Úti’ á gólfi’ er allt liðið,
allir dansa nema við.
Komdu líka með í sjeik,
komdu’ og vertu ekki smeyk.

Hvernig geturðu setið kyr?
Hvernig geturðu setið kyr?

Allir dansa’ og djamma dátt,
dansa sjeik af öllum mátt.
Komdu líka stúlkan mín,
þú þarft ekki’ að skammast þín

Hvernig geturðu setið kyr?
Hvernig geturðu setið kyr?


Magnús Eiríksson

 

Tilvalið að rifja þennan upp fyrir ballið !

Kv. MT

A kiss to build a dream on

Svona í takt við færsluna um kossinn ógleymanlega hér á undan.  Tókst sannarlega í þessu tilfelli.  Kveðja Ippa 

Helgafell...Hvassafell....foss....

Viðkomandi fylgist spennt með og vildi gefa frekari vísbendingar.....þetta var í aust eða vestfirskum firði og á leiðinni heim til hennar, þetta kvöld var stoppað bakvið einhverja skúra þar sem heitt varð í kolunum án þess að eitthvað alvarlegt gerðist, en kossarnir voru ofurheitir..................og gleymast ekki !

 

Samkvæmt beiðni.

MT

Eigið góðar stundir ....

MT

Hjálp!

 Óskalag frá okkur Möggu.  Við höfum fengið mikla og góða hjálp frá svo mörgum.  Aldrei fáum við þó nóg.  Þið réttið litla putta og við tökum alla hendina. Hvað sem ykkur dettur í hug látið það flakka!  Okkur þætti vænt um að fá hugmyndir og uppástungur um hvaðeina tengt ballinu okkar 26. júlí n.k. á Ketilásnum.   

 

 

Helgafell, Hvassafell....allavega Fell eitthvað eða var það kannski Foss ???

Það kom að máli við mig kona sem oft var á Ketilási í gamla daga. Hún bað  mig að setja hérna fyrir sig smá pistil.......

Einhverntíman uppúr 1980 var hún á balli í félagsheimili úti á landi (ekki Ketilási þó í það skiptið) en hún hitti mann sem hún dansaði mikið við og vissi að hann var á þessu skipi, einhverju Felli heldur hún.....en það fór vel á með þeim og hann fylgdi henni heim eftir ball en kom ekki inn vegna þess að hún þorði ekki að bjóða hálf ókunnugum manni inn til sín og hún átti líka börn...hún hafði sagt honum hvar hún inni en lítið meira og þau kvöddust heitt og innilega, eða eins og hún sagði,  "Ástríðufyllstu kossar lífs míns - ég gleymi þeim aldrei.

Daginn eftir í vinnunni var hringt af þessum vinalega manni og spurt hvort allt væri í lagi og hvernig henni liði ? Konan varð svo flemtri slegin þar sem hún sat þarna í vinnunni með samstarfsmennina forvitna allt í kring að hún varð vandræðaleg og lítið alúðleg við manninn og síðar þegar hún reyndi að hafa uppi á honum aftur gekk það ekki. En alltaf annað slagið blossar upp löngun til þess að hitta aftur þennan mann.

Nú lætur hún sig dreyma um að ef hann les þessar línur láti hann e.t.v. sjá sig á Ketilási í sumar. Ef hann les þetta væri gaman að fá einhverja vísbendingu frá honum til dæmis nafnið á fyrirtækinu sem konan vann hjá !

Gaman að þessu, rifjar upp gamla tíma og sumt gleymist ekki, þó árin líði !

 

 

E.t.v. náum við að komast í samband við þennan dularfulla sjómann !

Kv. Eigið góðan dag. MT

 

 

 

Ketilásinn!

 Alla sendi mér þessa mynd.  Set hana sem mynd af höfundi hér með.  Kveðja Ippa